ലജ്ജിച്ചിടുന്നോ നീയും
യേശുവേ സാക്ഷിപ്പാൻ?
സീയോനിലേക്കെൻ യാത്ര
മോദമായ് വാണീടാൻ
നിന്നെ പിഞ്ചെല്ലാൻ ഏതും
ലജ്ജതോന്നീടല്ലേ!
നിൻ നാമം സാക്ഷിച്ചീടാൻ
നൽ ധൈര്യം നൽകുകേ.
ലജ്ജിച്ചിടുന്നോ നീയും
ദൈവത്തെ സ്നേഹിപ്പാൻ?
ഉള്ളിൽ ജ്വലിക്കും അഗ്നി
ഉയർത്തുന്നാത്മാവേ.
പൂർണ്ണമാക്കെൻ വിശ്വാസം
ഈ ലോകർ കാണുവാൻ-
സൗജന്യ രക്ഷ നേടി
സാക്ഷിയായ് ജീവിപ്പാൻ.
ലജ്ജിച്ചിടുന്നോ നീയും?
എൻ പാപഭാരം പോയ്!
എന്നുള്ളിൽ മന്ത്രിക്കുന്ന
ദുഷ്ടനെ തോല്പിക്കും
അയോഗ്യനെൻ പ്രത്യാശ
ഇതൊന്നു മാത്രമേ
എൻ പേർക്കുയിർ വിട്ടതാം
നിൻ ക്രൂശിൻ യാഗത്തെ.