പ്രശംസിപ്പാനെന്തുള്ളൂ?
സന്തോഷിപ്പാൻ എന്തുള്ളൂ?
പ്രതിഫലമെന്തു സ്വർഗ്ഗത്തിൽ?
പുകഴ് കൊള്ളാനായ് ആരുള്ളൂ?
ക്രൂശിൻ യേശു അല്ലാതെ
ആരിൽ നിന്നുടെ വിശ്വാസം?
ഹൃത്തിൻ ധൈര്യം എന്താണു?
നിന്റെ പാപം നീക്കിടാൻ
ദൈവ സ്നേഹം നേടിയതാർ?
ക്രൂശിൻ യേശു അല്ലാതെ
ജ്ഞാനം നൽകിയതാരാണു?
കർമ്മം നൽകിയതാരാണു?
സത്യം കാണിപ്പതാരാണു?
പാത കാട്ടും വഴികാട്ടി
ക്രൂശിൻ യേശു അല്ലാതെ
ആർ തോല്പിച്ചേൻ സാത്താനെ?
ദുഃഖേ ആരെന്നാശ്വാസം?
താങ്ങായി ചാരെ ആരുണ്ട്?
ഹൃത്തിൻ മുറിവുകൾ ആർ മാറ്റി?
ക്രൂശിൻ യേശു അല്ലാതെ
നിത്യ ജീവൻ ആരാണു?
മൃത്യവെ വെന്നവൻ ആരാണു?
കോടി ദൂതരിൻ കണ്മുന്നിൽ
നീതിയിൽ നിർത്തുവതാരാണു?
ക്രൂശിൻ യേശു അല്ലാതെ
വൻ മർമ്മം ഞാൻ അറിയുന്നു
മോദം നല്കുന്നെന്നുള്ളിൽ
രക്ഷ ക്രൂശിൽ നേടി താൻ
മൃത്യുവെ വെന്നോൻ വേറില്ല
ക്രൂശിൻ യേശു അല്ലാതെ