ഹാ! കൂടി നാമെല്ലാരും ചേർന്നു പുകഴ് കൊണ്ടാടണം- സ്വർഗ്ഗ
വാതിലാകും യേശുനാഥനെ വാഴ്ത്തിപ്പാടണം

വേദനപ്പെടും ഏഴകൾക്കഴലു തീരുവാൻ- വന്നു
മേദിനിയതിൽ മാനുഷ്യാവതാരമാർന്നിതാ—

മാനവർ വാഴ്ത്തിപ്പാടുന്ന കർത്തനായ താൻ- ദുഷ്ട
മാനവൻ ഈടേറുവാൻ ഒരടിമയായിതാ—

ആദരവറ്റു ഭൂമിയിൽ വെറിയരാം നരർ- മര-
ണാധികളൊഴിവതിന്നു താണു ദേവനും—

സേനകളിൻ അധിപതി അവനെന്നാകിലും- നര
ജീവനെ മീളാനവൻ തന്നുയിരിനെ വിട്ടാൻ

ദാരുണ മരണാധിയെ മരിച്ചമർത്തിനാൻ- ഭൂ
മണ്ഡലത്തിൽ നിന്നുയിർത്തു വിണ്ണിലെത്തിനാൻ—

പാപികൾക്കു പിതാവിനോടിരന്നു മോചനം- നിജ
പാദസേവക ജനങ്ങളെ രക്ഷചെയ്യുന്നോൻ.