പാറയാം ക്രിസ്തന്മേല്‍ നില്പേന്‍

എഡ്വേർഡ്‌ മോട്ട്‌, സിർക്ക 1834 (My Hope Is Built). ആദ്യപ്രസിദ്ധീകരണം മോട്ട്സ്‌ ഹിം ഓഫ്‌ പ്രെയ്സ്‌, 1836.

തർജ്ജിമക്കാരൻ: 2,3,4,5 ചരണങ്ങൾ തർജ്ജിമക്കാരൻ അജ്ഞാതം. 1 & 6 സൈമണ്‍ സഖറിയ, 2025. എല്ലാ പകർപ്പവകാശങ്ങളും പൊതുജനത്തിന്നു വിട്ടുകൊടുത്തിരിക്കുന്നു.

ലോക സുഖം വേണ്ടിനിയും -മാറാത്ത സ്നേഹം ആശ്രയം
കണ്ണഞ്ചിക്കും കാഴ്ച വേണ്ട -യേശുവിൽ മാത്രം ആശ്രയം.

പല്ലവി

പാറയാം ക്രിസ്തന്മേല്‍ നില്പേന്‍
വെറും മണല്‍ മറ്റുള്ളേടം.

എന്‍ ആശ യേശുവില്‍ തന്നെ - തന്‍ നീതി രക്തത്തില്‍ മാത്രം
ഞാന്‍ നമ്പോല്ലാ മറ്റൊന്നിനെ-എന്‍ യേശുമാത്രം ശരണം

കാര്‍മേഘങ്ങള്‍ അന്ധകാരം - മറയ്ക്കുമ്പോള്‍ തിരുമുഖം
മാറാത്തതാം തന്‍ കൃപയില്‍-ഉറപ്പോടെന്‍ ആശ്രയമേ

കല്ലോലജാലം പൊങ്ങട്ടെ-നല്ലാശ എന്ന നങ്കൂരം
ഇട്ടിട്ടുണ്ടു മറയ്ക്കുള്ളില്‍ ഒട്ടും ഭയപ്പെടുന്നില്ല

തന്‍ രക്തം വാക്കുടമ്പടി-എന്‍ താങ്ങായുണ്ടു പ്രളയെ
എന്നാത്മനും താനേ തുണ-അന്യാശ്രയങ്ങള്‍ പോയാലും

തൻ നീതിയിൽ ഞാൻ പുകഴും -തൻ വാഗ്ദത്തം എൻ ശക്തിയാം
തൻ നാമവും മഹത്വവും -മാത്രം മതിയേ രക്ഷിപ്പാൻ.

കാഹളത്തോടെ താന്‍ വന്നു-സിംഹാസനത്തില്‍ ഇരിക്കെ
തന്‍ നീതിമാത്രം ധരിച്ചു-മുന്‍ നില്‍ക്കും ഞാന്‍ കുറ്റമെന്യേ